आप्रवासी कामदारलाई सिंगापुरमा भर्ना प्रकृयामा आइपर्ने साझा समस्या र तपाईको अधिकार र दायित्वको जानकारी दिने १४ मिनेट लामो पूर्व प्रस्थान सम्वन्धि भिडियो यहाँ हेर्नुहोस् । यो मन्डारिन, तमिल र बंगाली भाषामा पनि उपलव्ध छ । यो भिडियो सन् २०१४ मा जनशक्ति मन्त्रालय तथा आप्रवासी कामदार केन्द्रले जारी गरेको हो । भिडियोका आधारमा, भर्ना प्रकृया र तलवका बारेमा निम्न सुझाव दिइएको छः
- तपाईको आफ्नो देशमा हुँदा रोजगारीको भर्ना प्रकृयामा धेरै शुल्क नतिर्नुहोस्
- सिंगापुरको जनशक्ति मन्त्रालयले जारी गरेको ईन प्रिन्सिपल एप्रुभल(आइपिए) पत्र तपाईको आफ्नै भाषामा सिंगापुरका लागि प्रस्थान गर्नुपुर्व नै तपाईले प्राप्त गरेको हुनु पर्दछ । न्यूनतम भन्दा थोरै हुनेगरी मासिक तलव स्वीकार नगर्नुहोस्, यसैगरी आइपिएमा उल्लेख गरेभन्दा धेरै रकम बसोवासका लागि काट्न सहमति पनि नजनाउनुहोस्
- सिंगापुरको कामदार भर्ना गर्ने कम्पनीलाई भर्ना शुल्क वापत प्रतिवर्ष एक महिनाको तलव भन्दा बढी शुल्क नतिर्नुहोस् । एकपटकमा दुई बर्षको लागि दुई महिनाको तलव भन्दा धेरै रकम एकैपटक नतिर्नुहोस् ।
- कामदार भर्ना गर्ने कम्पनीलाई तिरेको सम्पूर्ण रकमको भपाई लिनुहोस्
- हरेक महिनाको अन्त्यमा तपाईको तलव दिइएकै हुनुपर्दछ
- कुनै खाली भौचरमा हस्ताक्षर नगर्नुहोस् । आफूले प्राप्त गरेको तलव भन्दा अन्य कुनै कुरामा हस्ताक्षर नगर्नुहोस् ।
- अतिरिक्त समयमा काम गरेको, साप्ताहीक आरामको समय(विदा), सार्वजनिक विदामा काम गरेमा तपाईलाई अतिरिक्त रकम भुक्तान गर्नु पर्दछ
- तपाईलाई पुरा तलव नदिई वा स्वास्थ्य खर्च लगायतको खर्च भुक्तान नगरी स्वदेश फर्काउन पाइन्न
आप्रवासी कामदारको भनाई र रोजगारी सम्वन्धि नीति तथा सिंगापुरमा रहँदाको अवस्थामा यससम्वन्धि कुनै समस्या भएमा त्यसको समाधान गर्ने निकाय जनशक्ति मन्त्रालय(एमओएम) हो । यसको वेभसाईमा एउटा ब्रोसर भेट्न सकिन्छ जहाँबाट आप्रवासी कामदारका लागि उपयोगि थप जानकारीहरु अंग्रेजी, मले, वंगाली र तामिल, मन्डारियन र थाई भाषामा प्राप्त गर्न सकिन्छ ।
माईग्रेण्ट वर्कर्स सेण्टरले जनशक्ति मन्त्रालयसँगको समन्वयमा केवल सल्लाह, (कानूनी) सहयोग, कुनै समस्या परेमा आवासगृहको मात्र सहयोग गर्दैन आप्रवासी कामदारहरुको (सामाजिक) एकिकरणको कार्यक्रम गर्न पनि सहगोग गर्दछ । यसैगरी सिंगापुरमा आप्रवासी कामदार भएर रहँदा कुनै समस्या परेमा सहयोग गर्न सक्ने अन्य संस्थाहरु हेल्थसर्भ र टीडव्लुसीटु हुन् ।
उच्च दक्ष व्यक्तिहरु जे सिंगापुरमा रोजगारी गर्न चाहन्छन् उनीहरुले थप जानकारी यहाँ पाउन सक्छन् ।