Taon |
Batas |
Deskripsyon |
1963 |
Batas Pagkamamamayang Bahraini (Bilang 8)
|
Ang Batas ang nagsisilbing basehan para sa pagbibigay at pagbabawi ng pagkamamamayan. |
1965 |
Ordinansa sa mga Dayuhan (Imigrasyon at Paninirahan) |
Inilalaad ng Ordinansa ang mga regulasyon patungkol sa imigrasyon at paninirahan sa Bahrain; nagbibigay ng mga kondisyon kung saan maaaring ibigay ang immigrant status; nagbibigay ng mga batayan para sa pag-aproba ng mga residence permit; intinatalaga ang Departamento ng Paggawa na siyang taga-isyu ng mga permit na pinahihintulutan ang mga dayuhan na magtrabaho sa Bahrain; nagsasaad ng mga regulasyon para sa pagbibigay ng mga araw ng pahinga; pinamamahalaan ang mga apela tungkol sa imigrasyon o mga desisyon sa paninirahan; itinatatag ang mga kondisyon kung saan maaring madeport ang mga dayuhan; nagtatalaga ng mga parusa para sa mga paglabag sa batas. Nagbibigay ng mga karagdagang probisyon |
1976 |
Kautusang Amiri – Batas Bilang 27 |
Inaamendyahan ng Kautusang-Batas ang seksyon 38 at 139 ng Batas sa Social Insurance |
1977 |
Kautusang Amiri – Batas Bilang 12 |
Kinikilala ng Kautusang-Batas ang pagsuspende ng pagpapatupad ng ilang mga probisyon ng Social Insurance Law para sa mga hindi Bahraini. |
1978 |
Kautusang Ministeryal Bilang 21 (Insurance) |
Kinikilala ng kautusan ang pagtukoy ng General Organization for Social Insurance ng mga pagkakataon kung kelan babayaran ang mga pensyon ng mga indibidwal na nasa abroad ngunit naninirahan sa Estado ng Bahrain |
1984 |
Kautusang Amiri – Batas Bilang 4 |
Inaamendyahan ng Kautusang-Batas ang ilang probisyon ng Kautusang Amiri- Batas Bilang 3 ng 1983 tunkol sa pagtrato sa mga nasyonal na galing sa Gulf Cooperation Council Member States.
|
111991 |
Kautusan ng Lehislatibo Bilang 6 |
Itinatatag ng Kautusan ang Pension Fund para sa mga Opisyales at Kasapi ng Bahrain Defence and Public Security Force na Bahraini at hindi Bahraini. |
1995 |
Kautusan Bilang 10 para amyendahin ang Kautusan Bilang 9 ng 1994 ng Ministro ng Paggawa at Usaping Panlipunan |
Tinutukoy ng kautusan ang panahong itatagal ng mga work permit para sa mga manggagawang hindi Bahraini at ang mga patakaran sa renewal at mga kaakibat na bayarin. |
1994 |
Kautusan Bilang 8 ng Ministro ng Paggawa at Usaping Panlipunan para tukuyin ang mga kondisyon sa pagkuha ng work permit para sa mga manggagawang hindi Bahraini |
Kinakailangang mag-apply ng mga employer na nais kumuha ng mga dayuhang manggagawa sa Administrasyong Paggawa gamit ang form na nakakabit sa kautusan. Dapat nilang patunayan na kinakailangan ang mga manggagawang kukunin. Ibibigay lamang ang mga permit sa mga manggagawang hindi kakumpetensya ng mga Bahraini sa trabaho. Kailangang subukan hanggang sa makakaya ng mga negosyo na kumuha ng mga Bahraining may kakayahan na magsilbing mga assistant at taga-train sa mga dayuhang manggagawa. |
1994 |
Kautusan Bilang 14 ng Ministro ng Paggawa at Usaping Panlipunan para sa non-renewal o pagbawi ng work permit ng mga dayuhang manggagawa at mga eksemsyon dito base sa ilang mga kaso |
Maaaring hindi irenew o bawiin ang work permit ng dayuhang manggagawa base sa ilang mga kondisyon, kabilang dito ang pasya ng Ministeryo na kakumpetensya ng nasabing manggagawa ang mga mamamayang Bahraini para sa mga trabaho sa bansa, kung may isyung medikal, at kung nabigo ang kanyang employer na sumunod sa planong “Bahrainization” ng Estado. Maaaring magbigay ng mga eksempsyon sa mga kondisyon ng work permit para sa pansamantalang trabahong konektado sa mga fair, eksibisyon, at hindi inaasahang pag-dami ng trabahuin. Kailangang ipaalam ng mga employer sa Ministeryo kapag may umalis na dayuhang manggagawa sa serbisyo bago matapos ang kanyang permit. |
1994 |
Kautusan Bilang 21 ng Ministeryo ng Paggawa at Usaping Panlipunan upang tukuyin ang mga kondisyon at proseso na kailangang sundin sa mga kontrata ng mga employer na may mga tagapamagitan para sa pagkuha ng mga trabahador na hindi Bahraini |
Kinakailangang nakasulat at naaayon sa modelong kasama sa kautusan ang mga kontrata sa pagitan ng mga employer at ahenteng labour-importer, kabilang dito, halimbawa, ang pinagmulang bansa ng manggagawa, edad, uri ng trabaho, sahod, atbp. May dalawang modelong kontrata ng trabaho na nakakabit sa Kautusan, isa dito ay para sa mga kasambahay. Pinagbabawalan ang employer o ahente na maninggil para sa konsiderasyon ng manggagawa sa trabaho. Ang ahente ang may kabuhuang responsibilidad na siguraduhin ang pag-sunod ng manggagawa sa mga pangangailangan ng employer. Nilalaad din ng kautusan ang mga bayarin para sa pag-lilisensya ng mga labour-importing na ahensya. Nilalagpasan nito ang Kautusan Bilang 17 sa nasabing paksa. |
1995 |
Kautusan Bilang 2 ng Ministeryo ng Paggawa at Usaping Panlipunan para amendyahin ang ilang mga probisyon ng Kautusan Bilang 14 ng 1994 ng Ministro ng Paggawa at Usaping Panlipunan para sa non-renewal o pagbawi ng work permit ng mga dayuhang manggagawa at mga eksemsyon dito base sa ilang mga kaso |
Inaamendyahan ng Kautusan ang seksyon 1, subseksyon 5, upang higpitan ang pangangasiwa sa relasyong “sponsorship” sa pagitan ng mga dayuhang manggagawa at employer na siyang kumukuha ng work permit at visa para sa Bahrain. |
1999 |
Resolusyong Ministeryal Bilang 193 tungkol sa pagbibigay ng paninirahan sa mga dayuhang inisponsor ng mga indibidwal |
Tinutukoy ng resolusyon ang mga kondisyong kailangang tuparin ng isang dayuhan upang makakuha ng residency permit sa Bahrain. |
2001 |
Kautusang Ministeryal Bilang 21 tungkol sa pag-oorganisa ng mga kaso ng paglipat para sa ilang mga kategorya ng mga manggagawang expatriate |
Binibigyang pansin ng Kautusan ang paglilipat ng mga manggagawa sa ibang employer sa ilang mga pagkakataon at base sa mga kondisyon. |
2004 |
Kautusang Ministeryal Bilang 19 tungkol sa pag-amendya ng Kautusang Ministeryal Bilang 9 ng 1994 na tungkol naman sa panahong itatagal ng Foreign Worker’s Work Permit, mga Patakaran sa Renewal at mga Nakalaan na Bayarin |
Inaamendyahan ng kautusan ang artikulo 5 bis ng Kautusan ng 1994 tungkol sa renewal ng mga temporary work permits ng karagdagang anim na buwan. |
2005 |
Batas Bilang 31 tunkol sa social insurance ng mga Bahraini na nagtratrabaho abroad at mga katulad na tao |
Ayon sa Batas, may karapatan ang mga manggagawang Bahraini na nagtratrabho abroad at may employer na hindi saklaw ng Social Insurance Law na humingi na makinabag sa mga probisyon nitong Batas kung nagagampanan nila ang mga kondisyong nakalaad dito (artikulo 2 at 4). Saklaw nito ang insurance sa pagkatanda, kapansanan, at kamatayan (artikulo 3). Magkakaroon ng special fund para dito sa ilalim ng Social Insurance Fund (artikulo 5). Nilalaad din sa batas ang mga paraan ng kontribusyon at pagbayad ng mga benepisyo.
|
2006 |
Batas Bilang 19 na nagbibigay regulasyon sa Labour Market |
Pinapayagan ng Unang Kabanata (I) ang pagkatatag ng Labour Market Regulatory Authority (Authority) at inilalarawan ang mga tungkulin at kapangyarihan nito. Sa ikalawang Kabanata (II) pinag-uusapan ang mga permit at lisensyang manggagaling sa Authority at mga kaakibat nitong usapin. Sa Chapter (III) inilalarawan ang mga karagdagang probisyon (pagbawi sa Ikawalang Bahagi ng Batas para sa Paggawa sa Pribadong sektor na ipinahayag ng Kautusan Bilang 23 ng 1976). |
2008 |
Kautusan Bilang 26 tungkol sa mga bayaring ipapataw sa mga employer para sa work permit at renewal ng residence permit para sa mga kapamilya ng mga migranteng manggagawa at mga dayuhang employer |
Obligado ang mga employer na bayaran ang mga gastusin para sa pag-isyu ng work permit sa mga kapamilya ng mga dayuhang manggagawa. Nagpapataw din ito ng buwanang bayarin na 10 Dinar bawat dayuhang employer. Inilatag din ng Kautusan ang mga bayarin para sa work permit, entry at departure visa sa Kaharian, residency permit, maging ang mga medical report at ID card. |
2013 |
Kautusan Bilang 4 na inaamendyahan ang ilang probisyon ng Kautusan Bilang 76 ng 2008 na nagbibigay regulasyon sa work permit ng mga dayuhan bukod sa mga kasambahay |
Pinalitan at Inamendyahan ang Artikulo 10 at Artikulo 13 (b) ng Kautusan Bilang 76 ng 2008 tungkol sa regulasyon ng work permits ng mga dayuhan bukod sa mga kasambahay.
Artikulo 10: Tatagal ang bisa ng work permit ng 2 taon mula sa araw ng pagdating ng dayuhang manggagawa sa Kaharian ng Bahrain o araw ng pagbayad ng mga gastusing kaakibat nito depende sa sitwasyon, kung hihinggin ng employer, maaaring limitahan ang durasyon ng work permit sa isang taon para sa kalahati ng presyo. Maaaring irenew ng LMRA ang work permit ng karagdagang anim na buwan kung hihingin ng employer sa presyong katumbas ng dulo ng unang taon ng trabaho. Sa lahat ng mga pagkakataon maaring marenew ang work permit sa kahit anong durasyon batay sa pangangailangan ng employer o kanyang binansagang representante sa format na binigay ng LMRA para rito, manual o online, na hindi lalagpas ng 180 na araw bago matapos ang work permit. Kinakailangan sa renewal request ang lahat ng impormasyon at dokumento sa format na hinihingi at dapat na sumusunod ito sa alituntunin at kondisyon ng Artikulo 2 ng Kautusan.
Sa pagkakataong tinapos ang work permit sa kahilingan ng employer o pag-alis ng manggagawa sa trabaho na labag sa work permit, kailangang ipaalam ng LMRA sa employer o kanyang binansagang representante ang desisyon nito at rason ng terminasyon. Binibigyan ang employer ng 2 araw mula sa pagkatanggap ng notipikasyon para sumagot. Kung, pagkatapos tignan ang sagot at nakita na walang basehan ang pag-retain sa work permit, tutuloy ang LMRA sa terminasyon nito at sa pagpapaalam sa employer o binansagang representante tungkol sa desisyon. Maaaring magpetisyon ang naapektuhang indibidwal laban sa desisyon sa opisina ng LMRA Chief Executive Officer alinsunod sa artikulo 33 ng Kautusan na nagbibigay regulasyon sa LMRA. Lahat ng mga notipikasyon at sagot ay maaaring gawin sa pamamagitan ng postal service o electronic (email, atbp). |
2013 |
Kautusan Bilang 1 na nagbibigay regulasyon sa mga talaan ng Employer |
Kinakailangan na may hawak na talaan ng mga manggagawang expatriate ang lahat ng mga negosyanteng nagpapatrabaho sa kanila na may sumusunod na detalye:
1. Pangalan ng manggagawa, nasyonalidad, araw ng kapanangakan, kwalipikasyon, deskripsyon ng trabaho o propesyon, lugar ng paninirahan at lahat ng impormasyon patungkol sa kanyang identidad. 2. Uri at katangian ng trabaho kung saan sila nakadestino. 3. Araw ng pagdating sa Kaharian at simula ng trabaho. 4. Durasyon ng work permit. 5. Durasyon ng kontrata sa trabaho, kung inilagay. 6. Ang napagkasunduang sahod, paraan ng pagbayad at nakatalagang araw ng pagbayad, kabilang ang lahat ng pinansyal at in-kind na benepisyo, bank account number ng empleyado kung saan idedeposito ang sahod, at detalye ng bank account ng negosyanteng nagpapatrabaho. 7. Mga lisensyang nakuha mula sa mga angkop na awtoridad, kung ang manggagawang expatriate ay may propesyon na nangangailangan ng ispesipikong lisensya. 8. Mga pagbabagong maaaring mangyari sa pagitan ng relasyong pangtrabaho na maaaring apektuhan ang mga karapatan at obligasyon ng magkabilang panig, o ang pagtutuloy ng relasyong pangtrabaho. |
2013 |
Kautusang Ministeryal Bilang 67 na inaamendyahan ang Kautusan bilang 26 ng 2008 tungkol sa mga bayaring ipapataw sa mga employer para sa work permit at renewal ng residence permit ng mga kapamilya ng mga migranteng manggagawa at mga dayuhang employer |
May dinagdag na parirala sa dulo ng Artikulo (1) ng Kautusan Bilang 26 ng 2008 tungkol sa mga bayarin na ipapataw sa mga employer para sa work permit at renewal ng residence permit para sa mga kapamilya ng mga migranteng manggagawa at mga dayuhang employer. “Binibigyan ang employer ng buwanang 5 (BD) na discount sa mga bayarin para sa unang limang empleyado. |
2014 |
Kautusan Bilang 2 na nagbibigay regulasyon para sa mga Expatriate na May-ari ng mga Negosyong nagbibigay ng Serbisyong Propesyonal |
Inilalahad ng Kautusan ang mga pangangailangan sa permit ng mga negosyanteng expatriate (Arikulo 3), mga tungkulin ng mga negosyante (Artikulo 6) at pagkawakas ng permit (Artikulo 10).
|
2014 |
Kautusan Bilang 4 tunkgol sa Regulasyon ng mga work permit para sa mga Kasambahay at mga taong nabibilang sa kategoryang ito |
Inilalahad ng Kautusan ang mga probisyon tungkol sa mga kondisyon para sa pagbibigay ng work permit (Artikulo 3), mga tungkulin ng mga employer (Artikulo 7), tungkulin ng mga empleyado (Artikulo 8), durasyon ng work permit (Artikulo 10), at pagkawakas ng work permit (Artikulo 11). |
2015 |
Kautusang Batas Bilang 36 tungkol sa Pagtitigil ng mga karapatan sa pagretiro at benepisyo sa kaso ng pag-atras o pagkawala ng pagkamamamayang Bahraini o naturalisasyon sa ibang nasyonalidad ng walang pahintulot |
Inidedeklara ng Kautusang-Batas na ang sino man ang babawi o mawawalan ng pagkamamamayang Bahraini o naging naturalisado sa ibang nasyonaidad ng walang pahintulot ay hindi na maaaring mapakinabangan ang mga karapatan at benepisyo sa pagretiro. |
2016 |
Kautusang Ministeryal Bilang 12 tungkol sa medical examination certificate para mga migranteng manggagawa |
Manggagaling ang mga medical check certificates para sa mga migranteng manggagawa sa mga pribadong pagamutan na lisensyado ng National Health Regulatory Authority (NHRA). Kinakailangang ipagbigay-alam ng mga pribadong pagamutan sa mga publikong komite sa kalusugan ang resulta ng mga medical check, ang mga komite naman ang magbibigay-alam sa LMRA. Babantayan ng mga publikong komite sa kalusugan ang resulta ng mga medikal check ng mga pribadong pagamutan at may awtoridad ang mga ito na humingi ng datos upang siguraduhin ang pagsunod sa mga prosesong inilaad ng Ministeryo ng Kalusugan. Kung magpasya ang mga pribadong pagamutan na hindi kaya magtrabaho ng expat, o may dala siyang nakakahawang sakit, kailangan nito magbigay-alam sa mga publikong komite sa kalusugan sa loob ng 24 oras mula sa paglabas ng resulta. Sa mga ganitong pagkakataon, kailangang siguraduhin ng employer na madadala ang empleyado sa mga publikong komite sa kalusugan para sa re-examinasyon.
|