रोजगार अनुमति प्रणाली (ईपिएस) को भर्ना प्रकृयाका बारेमा विस्तृतमा जानकारी यसमा हेर्न सक्नुहुन्छ । श्रम आप्रवासनका लागि दक्षिण कोरिया जानका लागि केहि मापदण्ड पुरा गर्नुपर्ने हुन्छ, जस्तै १८ बर्ष उमेर पुरा भएको, कुनै फौजदारी अभियोग नलागेको तथा कोरियाली भाषा परिक्षा उत्तिर्ण गरेको । मापदण्डको पूर्ण सूची यहाँ हेर्नुहोस् ।
यदि तपाई दक्षिण कोरियामा रोजगारीका लागि जान ईच्छुक हुनुहुन्छ भनें यी सुझाव उपयोगि हुनसक्छन्:
- भिषा जारी भएको पुष्टि हुने कागजात (सीसीभीआई) नलिई दक्षिण कोरिया प्रस्थान गर्नुहुन्न । यस्तो कागजात रोजगारदाता मार्फत दक्षिण कोरियाली सरकारले जारी गर्दछ
- मानक श्रम ऐन अनुरुप वेतन, काम गर्ने समय, विदा तथा कार्यथलोका बारेमा जानकरी नसमेटिएको रोजगार सम्झौता स्वीकार नगर्नुहोस्
- दक्षिण कोरियामा आइपुगेपछि तपाई न्यूनतम २० घण्टा समयको रोजगार तालिममा सहभागि हुनु पर्दछ
- तपाईको रोजगारदाता वा कम्पनी निलम्वनमा परेमा वा बन्द भएमा, यदि तपाईले वेतन नपाएमा वा यस्तै तर्कसँगत कारणका आधारमा तपाईले रोजगारदाता परिवर्तन गर्न पाउनुहुन्छ
- कुनै एजेण्टले भर्ना शुल्क मागेमा सचेत हुनुहोस् । रोजगार अनुमति प्रणाली अनुसार दुई देशका सरकारबीच समन्वयका आधारमा यस्तो भुक्तानी हुने गर्दछ
Korea 4 Expats website बाट कोरियामा रोजगारीका लागि जान ईच्छुक वा कोरियामा बसिरहेकाहरुले धेरै जानकारी पाउन सक्छन् । सान्दर्भिक कानूनका बारेमा थोमसन रोयटर्स व्यवहारिक कानून वेभपेजबाट विस्तृत सिंहावलोकन प्राप्त हुन्छ जहाँ प्रायः सोधिइने प्रश्नहरुको उत्तर पनि छ ।
आइएलओले प्रकाशन गरेको स्मार्ट रेमिट्यान्स गाइड ले प्रवासी श्रमिक(आप्रवासी कामदार)हरुलाई दक्षिण कोरियाबाट वैधानिक माध्यम मार्फत विप्रेशण (रेमिट्यान्स) पठाउने प्रकृयाका बारेमा जाकनारी दिने उद्धेश्य राखेको छ । यसको उद्धेश्य आप्रवासी कामदारलाई स्वदेशमा सुरक्षित रुपमा विप्रेशण पठाउने क्षमता बृद्धि गर्नु, लागतका बारेमा सचेत बनाउनु र पारदर्शी बनाउनु हो ।