आप्रवासी कामदारका रुपमा यात्रा सुरु गर्नुअघि थुप्रै कागजातहरु आवश्यक पर्दछः
- राहदानी(पासपोर्ट)
- रोजगार सम्झौता
- काम गर्न पाउने भिषा
- स्वास्थ्य परिक्षण
- बैदेशिक कामदार परिचयपत्र
यसवाहेक, कानूनले बैदेशिक रोजगार व्यवसायी कम्पनीहरुले पूरा गर्नुपर्ने दायित्व तोकेको छः
- सम्भावित आप्रवासी कामदारहरुसँग रोजगारी सम्वन्धि सम्झौता गर्नुपर्दछ(दफा ३८, उपदफा १ र २)
- हरेक सम्झौताको प्रति तथा रिपोर्ट जनशक्ति मन्त्रालयमा बुझाउनु पर्दछ(दफा ३८, उपदफा २, दफा ५४, उपदफा १)
- बैदेशिक रोजगारमा जान आवश्यक कागजी प्रकृया पूरा भएको विषयमा यकिन गर्नुपर्ने(दफा ६५)
कानूनले पूर्व प्रस्थान तालिम प्रदान गर्ने दायित्व सरकारको हुने व्यवस्था गरेको छ (दफा ६९(३), कानून नं ३९ २००४) । दुईवटा संस्थालाई त्यस्तो तालिम दिने भनेर तोकिएको छ । पहिलो विएनपीटुटीकेआई, जो दुई देशबीचको सरकारबीच भएको सम्झौता अनुसार कामदार पठाउनेहरुलाई तालिम दिन्छ र दोश्रो जनशक्ति मन्त्रालयले बैदेशिक रोजगार व्यवसायी कम्पनीसँगको साझेदारीमा हुने तालिम जसले बैदेशिक रोजगारमा जाने सवैलाई त्यस्तो तालिम दिने जिम्मेवारी छ । कानून अनुसार यस्तो तालिम २० घण्टाको हुनुपर्दछ, निःशुल्क र बैदेशिक रोजगारमा प्रस्थान गर्नु दुई हप्ता पूर्व भन्दा ढिलो हुनुहुन्न ।
ईण्डोनेशियाली कामदारलाई गरिने गलत व्यवहारको संख्या उच्च रहेका कारण, यस मुलुकले सन् २०१७ सम्ममा घरेलु काममा जान अन्त्य गर्ने लक्ष्य राखेको छ र उच्च दक्ष कामदार बनाउने खालका तालिमहरु सुरु गरेको छ । दुई देशबीचको समन्वयको अभाव र कानूनमा हुने भिन्नताका कारण आप्रवासी कामदारहरु गन्तव्य मुलुकमा आफूले पाउने अधिकारको बारेमा बेखवर हुने गरेका छन् । गन्तव्य मुलुकमा धेरै संघसंस्थाहरु एदाहरणका लागि हङकङको हेल्पर फर डोमेस्टीक वर्करले कसरी आफ्नो अधिकार प्राप्त गर्न सकिन्छ भनेर आप्रवासी कामदारका लागि निःशुल्क कानूनी सहायता उपलव्ध गराउँछ ।
आप्रवासी कामदारहरुका लागि मार्गदर्शन नामको हाते पुस्तिका(भाषा ईण्डोनेशिया) ले सुरक्षित आप्रवासको प्रकृयाका बारेमा जानकारी दिन्छ ।